Ministry of Fisheries
‘Oku ou faka’apa’apa mo fanongonongo atu heni koe ‘uhia koe uesia fakaekonomika tupu mei he COVID-19, kuo tu’utu’uni ‘e he kapineti ‘a ‘ene ‘Afio ‘i he ‘aho 7 ‘o Me 2021 ke faka’ata fakataimi hono toutai’i, ngaohi moe hu atu ki tua’pule’anga ‘o e mokohunu ‘o kamata mei he ‘aho 31 ‘o Me ki he ‘aho 30 ‘o Sepitema 2021.
‘Oku fakataumu’a ‘a e fanongonongo ni ke mea’i ‘e Hou’eiki mo lau ‘ilo ki ai e kakai e fonua ko hono faka’ata fakataimi koia ‘a hono toutai’i, ngaohi moe hu atu ki tu’apule’anga ‘o e mokohunu, ‘oku ‘oatu ai ‘ae ngaahi tu’utu’uni ko ‘eni ke fakapapau’i ‘oku muimui pau ki ai ‘akinautolu ‘oku nau felave’i tonu pea moe ngaue ni.
1. Kau kole Laiseni ki hono ngaohi mo hu atu ki tu’apule’anga ‘o e mokohunu
i. Koe kole laiseni ki hono ngaohi mo hu atu ‘o e mokohunu ki tu’apule’anga, ‘e ma’u atu e foomu kole laiseni mo hono ngaahi tu’utu’uni mei he ngaahi ‘ulu’i ‘ofisi kotoa ‘o e Potungaue Toutai mei he vahefonua takitaha.
ii. Koe kole laiseni kotoa pe ki hono hu atu ki tu’apule’anga ‘o e mokohunu, kuopau ke ‘i ai mo ‘ene laiseni ki he Fale ngaohi’anga mokohunu
iii. Koe tokotaha kole laiseni kuopau koe tangata’i fonua Tonga
iv. Koe laiseni ‘oku faka’ata ki he ngaahi vahefonua takitaha, Tongatapu, ‘Eua, Ha’apai, Vava’u pea mo Niuatoputapu
v. Koe ngaahi laiseni kotoa pe ‘e foaki kuopau ke fakangatangata ‘a e lahi ‘o e mokohunu tenau ngaohi mo hu atu ki tu’apule’anga ka ko hono fakaikiiki ‘e ma’u atu ia mei he Potungaue Toutai
vi. Kuopau ke fakapapau’i ‘e he Potungaue Toutai koe mokohunu kotoa pe ‘e ngaohi mo hu atu ki tu’apule’anga ‘i he vaha’a taimi koeni koe mokohunu ia na’e toutai’i ‘o kamata mei he ‘aho 31 ‘o Me 2021 ki he 30 Sepitema 2021, ‘o ‘ikai ko ha mokohunu na’e toutai’i pe ngaohi ki mu’a ‘i he ‘aho 31 ‘o Me 2021.
2. Kau Toutai mokohunu
vii. Koe ngaahi Feitu’u Pule’i makehe pe koe SMA koe toutai’i ‘o e mokohunu ‘e tukuange pe ia ki he tu’utu’uni ‘a e ngaahi komiti Pule ‘o e SMA ‘o e ngaahi kolo takitaha. Fakatokanga’i age ‘i he ngaahi kolo SMA, koe ngaahi ‘elia tapu ‘e kei tapui pe ke fakahoko ai ha toutai.
viii. ‘Oku tapu ‘a hono ngaue’aki ‘o e hina kasa (SCUBA) pe koe misini (HOOKAR) ki hono toutai’i koeni ‘o e mokohunu.
ix. Fakatokanga’i ange ‘oku ‘iai e fakangatangata ki he lalahi ‘o e mokohunu ‘e malava ke toutai’i pea ‘e ma’u atu e tu’utu’uni koia mei he Potungaue Toutai
x. ‘Oku tapu hono toutai’i ‘o e fa’ahinga koeni ‘o e mokohunu – Nga’ito, finemotu’a, lomu moe te’epupulu ‘i he taumu’a ke ngaohi ke hu atu ki tu’apule’anga lolotonga e taimi koeni ‘oku faka’ata ai, ‘ai a koe ‘aho 31 Me ki he 30 Sepitema 2021
Fakamanatu atu ki he kau kole laiseni, kau toutai moe Tonga kotoa, ‘e toki kamata hono toutai’i, ngaohi moe hu atu ‘o e mokohunu ki tu’apule’anga ‘i he ‘aho 31 Me 2021. Ka toe ‘iai pe ha liliu ‘e toki fanongonongo atu pe.
‘Oku tapuni e tohi kole laiseni kotoa pe ‘I he 4:00 efiafi ‘aho Tu’apulelulu 25 ‘o Me 2021
Kataki ki ha toe fakaikiiki ange, fetu’utaki ki he Ngaahi Va’a ‘o e Potungaue, Sopu (7401232, 7401201), Neiafu (70892, 70399), Pangai Ha’apai (60399)