Ko e ‘Eiki ‘Epikopō ‘o Tonga mo Niueé, Katinali Mafi, ‘oku kei ‘i Loma pē pea na‘e faka‘atā ia ‘e he toketaá mei he Falemahaki Gemelli Specialist Hospital ‘i he Monite kuo hilí, ‘aho 5 ‘o Sune 2023.
Ko hono faka‘atā ‘eni ki he ‘api nofo‘anga ‘o e Kautaha Pātele ‘o e Mafutotapu Sēsū mo Malia ‘i Loma pē ó fakakakato kiai e fanga kií ngaue fakafaitoó óku toe, kae toki foki mai ki Tonga
ni.
Ko e Kautaha Pātele Mafutotapu Sēsū mo Malia ‘oku ‘i ai pe foki mo honau ‘api faifekau ‘i Tongá ni pea ‘oku tu‘u ia ‘i Fangaloto, Tongatapu.
‘Oku ‘oatu e fakamālō ki he kāinga lotú mo e ngaahi maheníi ki he kole hūfaki mo e poupou ‘oku fai ki he ‘Eiki Katinalí.
Lolotonga e mama‘o ‘a e ‘Eiki Katinali ‘i mulí ‘oku tokanga‘i pe ‘a e Taiosisi Katolika ‘o Tonga mo Niueé ‘e he Vika Senialé, Moseniolo Lutoviko Finau.
